En 1584 Jurij Dalmatin, kunlaboranto de Trubar, eldonis la unuan kompletan slovenan tradukon de la Biblio. Tiel plenumiĝis la deziro de Trubar, ke la slovenoj legu la vorton de Dio en sia propra lingvo.
En 2017 la Trubar-Forumo eldonis la Novan Testamenton el la Biblio de Dalmatin en ĝisdatigita teksto. Vinko Ošlak kaj Benjamin Hlastan transmetis ĝin en hodiaŭ kompreneblan slovenan kaj verkis la postparolon. La libro havas 355 paĝojn.
La presita eldono de 50 000 ekzempleroj estas destinita por senpaga disdonado, danke al donaco de Eastern European Mission. Ĉi tie vi povas senpage elŝuti ĝin kiel PDF (en la slovena).